حكاية محارب
كتبت / امل اللقانى
تسمحولى افضفض معاكو شويه
الحكايه من البدايه كان عندى 18 سنه ساعتها قررت التحق بالكليه الحربيه
اللى كانت بدايتها بالمخلى والبطانيه وسلاحى جزء من حياتى الشخصيه
فى الصحراء والجبال انام واحرس ارضى بقوتى وايمانى برب البريه
اتدربت واتعلمت اشيل المسئوليه
اصل وطنى غالى عليا
عارفين انا مين ؟؟
انا اللى بسيب اهلى واولادى بالشهور علشان علشان انفذ كلام الرحمن ( ادخلو مصر ان شاء الله امنين )
عارفين انا مين ؟؟؟
انا الشهيد الحى
انا اللى بدفع ضريبة احياء الوطن بدمى
انا اللى بنطق الشهادة قبل ما اطلع اى مداهمه لانى باختصار مش ضامن شدة الانفجار وقتها هقدر انطقها ولا لا
انا اللى لما باتصاب مبسبش زمايلى لوحدهم ( معاكو يا وحوش هنكمل مطارده العدو )
انا اللى بشيل زميلى وهو بينزف وابقى مش عارف اعمل له ايه
انا اللى ببقى واقف فى كمين وفجاءه الاقى عربيه جايه باقصى سرعه والمطلوب انى اوقفها وفى الاخر باخدها فى حضنى ونتفجر سوا
انا اللى بوعد امى وزوجتى واولادى انى نازل اجازه وهقعد معاهم
ويوم اجازتى ارجع ملفوف بعلم الوطن
حد فيكو فكر فيا فى مره ؟؟؟
عرفتو انا مين ؟؟
انا البطل انتو مين ؟؟؟
ليست هناك تعليقات:
إرسال تعليق