عشقي لأهل البيت
عشقي لأهل البيتبقلم مصطفى سبته
أهل المدارك أهل البيت نادتهم
تركت أهل المدارك يختمواالسهره
و مشيت بقلبى للسيدة الطاهرة
أما المقام سندسى أما المدد نظرة
وخد ف حضنك جناين قد ما تقدر
اخضر ف اخضر و من كم الهلال زهرة
فى المغربية الشعاع والضل لما يطول
أرفع إيديا و اقول يااااااااااااااارب
يارب خلى المراكب تهتدى للبر
خلى النايات اللى تمدح فى النبى تخضر
فى الفجر و النور والضلام بيزول
أأرفع إيديا و اقول ياااااااااااااارب
يارب خلى المراكب كلها تبحر
خلى النبات اللى بيحب النبى يزهر
كلامى فى كل مرة بالأمل موصول
هدانى فى الدعوتين أكرم نبى و رسول
ياأهل الأمانة و الندى و الشوق
يا مجمعين الشمل ف الحضرة الذكية
أول مانبدى القول نصلى عالنبى
سيد ولد عدنان ,,,, رسول الله
المصطفى المختار يقوم الليل
و يقوم معاه المؤمنون الصحابه
و أنا معاهم فى أنين الربابه
أنا عينى دارت ياما دارت عينى
على جموع الذكر و الحلقات
و لقيت ف قلبى رسم كل الأيات
الله بذكره تطمئن القلوب
إلهى قادر يمحى كل الذنوب
أنا كنت يوم بحلم بكل الزمان
و ماشى أستغفر فى ألف أدان
و دخلت بيت رحب الفناء و الباحه
يا أهل المرؤة و الكرم و السماحه
ياأهل الأمانة والندى والشوق الله
الدنيا غرقت كلها ف الضوء الله
والعنبر الطيب و ريح الجاوى الله
و الليل سحاب اخضر لطيف الخطاوى الله
نهرالعسل إستعطف البساتين الله
والنخل غنى و العنب والتين الله
ياعينى راحت فين وياعينى صاحيه
يا جنة الله اللى وف كل ناحية
يافطره سمحه و اخوات شقايق
قال يا مريدى إن كنت صادق
ف بحر عشقك ماتلاقى شاطئ
لا بالقصايد و لا الاغانى بأى معنى من المعانى غير الشهيد لا يسمى عاشق أحلف بنون والمؤمنون
قلبى الليلة دى أخضر حنون
يافطرة سمحه و نفوس رقيقه
أنا لما وجيت أخدم الطريقة
شيخنا اللى عارف سر الحقيقة
بسط يمينه و قال يا مريدى
عينك ف عينى و إيدك ف إيدى
كل الخلايق أخوات شقيقه
خدنى و عادنى و جاب و وده
قال يا مريدى شوف أى ورده
لا هى أكتر و لا هى واحدة
مافيش حياة إلا عند غيرك
تعيش ف خيره و يعيش ف خيرك
مش باقى منا غير الموده
عينى رأت فجرطول الليل ينادينى
يفتح ميادينى ياخدنى منى لكل الناس يودينى
ويردنى فى الندى ويقولى إسعالى
أقوم من السجدة ماشى فى طريق عالى
وأقرا الضحى فى الطريق العالى تهدينى أحلف بنون والمؤمنون
قلبى الليلة دى أخضر حنون
ليست هناك تعليقات:
إرسال تعليق