يا باب السر
يا باب السربقلم مصطفى سبته
يوم جيت على بابه بغنيله
ودموعى بتنشد مواويله
وسمعنى انا واقف اناديله
وبولع بالشوق قناديله
يا ابا الفتيان نظرة يا سيد
يا شيخ العربان نظرة ياسيد
قال انهض قلت انا متنمنى
انشد لك وسنين مستنى
نفسى اسعد برضاكم عنى
قال طب قوم انشد غنى
يا ابا الفتيان نظرة يا سيد
ياشيخ العربان نظرة ياسيد
قول للى عرف ربه وسيده
وبنور طه المولى يزيده
لو نادى وكلنا بنريده
هيشوفنا معاه ايدنا فى ايده
سبح ربك يوم ما تجيله
وتشوف ناس واقفة تغنيله
يدعيلك قبل ما تدعيله
ويا بخت اللى البدوى دليله
يا ابا الفتيان نظرة يا سيد
يا شيخ العربان نظرة يا سيد
دا البدوى يابويا مدد يابا
غنيت له انا وبشوق وصبابة
وبقيت ولا شاعر بربابة
غنيت له صبح بينا قرابة
ليست هناك تعليقات:
إرسال تعليق