فضفضة مع سيارتى فى المنام .
· إبعدى بقى عن وشى
**** لية أنا ذنبى إية
·
كل المصايب اللى جاية من تحت
راسك
**** تانى بس قولى أنا
عملت إية
·
إستعبطى ــ إستعبطى مش عارفة عملتى إية
**** إن شا الله أتشل فى فراملى ـــ وأنحرم من نور
فوانيسى
وماأوعى أذوق طعم بنزينى ــ أنا مظلومة وبريئة
·
أنا إتخرب بيتى من تحت رأسك
اللة يلعنك
**** طب قوللى حصل إية بهدوء
·
يوماتى على الله ألآقى فيكى
مشكلة
**** طب وأنا ذنبى
إية ياصاحبى
·
أومال ذنب مين يافركوكة
**** ذنب اللى بيحصل فى الشوارع
·
يعنى إية
**** الإسبوع اللى فات
أنا رجعت مخبوطة فى الرفرف عرفت لية
·
أنا ماكنش عندى وقت ساعتها
**** لأن صاحب العربية اللى خبطنى كان بسلمتة بيعلم
إبنة السواقة وجت على دماغى وشربتها
·
طب والخبطة اللى حصلت من
إسبوعين
**** دى كانت واحدة ست
شيك أوى حكاية مالهاش حل
·
حلو أوى وأنا مالى إذا كانت
شيك أو كمبيالة
**** ماهى دى من ضمن
اللى بيقولوا عنهم واخدين الرخصة وهم
قاعدين فى البيت .
·
لمى لسانك وبلآش تلطشى فى
الكلام
**** حاجة بالعقل كدة
من الصبح وإنتا نازل فيا تنكيت وتبكيت وتخبيط
·
أمال يعنى أتشطر على مين
**** تتشطر ياصاحبى على اللى بيدخلوا العربيات
بالهبل والشوارع لسة زى ماهى
·
يعنى إية الكلام دة يا أذكى
إخواتك
**** يعنى خلاص الطريق بح والرصيف الله يرحمة
والحوارى إنسى
·
أهو دة اللى واخدة منك طولة
لسانك ع الفاضى وفى الأخر هاروح للسمكرى يخرب بيتى
**** ياخبر ــ لية ها يعمل إية
·
عملة إسود ومهبب رحت لة عشان
أعدل خبطة صوغيرة
**** ها وبعدين
·
وبعدين ــ ركبت رفرف جديد
**** دى مش مشكلة
السمكرى
·
أمال مشكلة مين ياوش السعد
**** مشكلة الشركة
الجشعة اللى كانت بتعمل الرفرف زمان 4 حتت أما النهاردة الرفرف بقى حتة واحدة
·
وكمان الإكصدام
**** مالة رأخر
·
رحت أصلحة ـ فاكر ذى زمان
يتنى ـ ويتعدل
**** دة صحيح
·
وبعدين بقى دلوقتى فيبر
**** نفس الشركات إياها
عملتة فيبرعلشان لو إتخبط يكسر ويتغير كلة والمكاسب تبقى زى الرز
·
شوفى يابنت الحلال أنا خسرت
الجلد والسقط
**** إحمد ربنا
·
الحمد للة
***** على فكرة أنا
سمعت كلام كدة وأنا واقفة فى الجراج إن العربيات فى المستقبل ها تصنع من الكرتون
يعنى لاقدر الله خبطة أو عقب سيجارة وتبقى فى الباى باى ياجنتل وساعتها تعرف
قيمتى وتقول الله يرحم أيامك ياأصيلة .
·
وصحيت مفزوع وأنا بلعن الكرتون اللى صحانى من النوم .
.jpg)
.jpg)
ليست هناك تعليقات:
إرسال تعليق