معرض الابتكار الدولي للفنون بقاعة جريدة الاهرام
معرض الابتكار الدولي للفنون بقاعة جريدة الاهرام
بقلم دكتور / طارق مصطفي
معرض الابتكار الدولي للفنون بقاعة جريدة الاهرام
يشارك فية اكثر من ١٠٠ فنان وفنانة
فنانة متعددة المواهب من المعرض
الفنانة دينا هشام شومان
تدرس بجامعه حلوان.كلية الخدمه الاجتماعيه الفرقه الثانيه
متي كانت بداية موهبتك
موهبتي وهي الرسم كنت في سنة اولي اعدادي
واللي ساعدتني في الاسرة ماما اكتشفتني ونمت موهبه الرسم عندي وبابا علمني فن نحت المرايات وهما دائما داعمين ليا في اي مجال
انا بدأت مشروع الاسترنج ارت من ٦سنين وكانت البداية تابلوة هدية لاخويا وعجبوا جدا وبدأ يشجعني اكمل فيه بما اني برسم وبالفعل بدأت انفذ رسومات بطريقة المسامير والخيط وكل فترة بطور من شغلي
من هو مثلك الاعلي في الفن ؟
مثلي الاعلي هو مش حد معين دائما اي حد ناجح بحب اكون مثلة واتعلم منه لو عرفت اوصله ولو معرفتش فبحب اني اطور من نفسي عشان انجح واوصل لطموحاتي
اجمل اوقاتي هي وانا شغاله وبعمل حاجه بحبها وبالاخص شغلي الاسترنج ارت مع انو متعب جدا ومرهق وبيخليني أسهر ايام من غير نوم بس بيكون هو دائما احب الفنون ليا
عرفيني قوة صبرك علي وضع ٤٠٠٠ مسمار واكثر في لوحة واحدة ؟
قوة صبري علي ٤٠٠٠ مسمار
احيانا بيكون في اكتر من ٤٠٠٠ مسمار واكيد بيكون متعب جدا ومرهق بس بصبر نفسي عشان اطلع قطعه مميزة ومختلفة وكيريتيڤ
ممكن تشرحي لي التابلوة المشاركة بة في المعرض ؟
دا تابلوة نڤرتيتي مقاس التابلوة 55*70
التابلوة فيه اكتر من 4000 مسمار
وهنا حبيت اظهر الحضارة الفرعونية اللي هي الاهرامات والشمس والليل وضيفت فصوص بتعبر عن النجوم والخيط الذهبي اللي في التاج والكولية ودا ناتج عن ان الحضارة المصرية كانت بتتزين بالدهب وضيفت رموش صناعية لتزيين عيون الملكه ودخلت كذا لون في اللوحة عشان يوضح تميزها
ومهما ابدعت في رسم الحضارة الفرعونية فساظل مقصرة في جمال فنهم
حقيقي فنانه ومبدعه وتستحقي اكتر من كده مليون مره
ردحذف