محبه وسلام
محبه وسلام ياحبايب هبوا للمحبه والسلام اللى كتبه الله بكل دين
الانسان الخايب اللى مايصلى لله رب العالمين
دى المحبه نعمه علينا لكل إنسان تايب وأمين
الأرض ماهيورثها شاب ولاشايب مادام للموت رايحين
ليه العداوه وأحنا من نسل أدم وقرايب أجمعين
ياما عانينا وشفنامن الحروب بين إسرائيل وفلسطين
كم مرت علينا كلنا مائات الأعوام فيها خراب وأنين
لو فيه محبه وود نزرع الشهد والورد جوه الطين
أناديكم وأنا بين أديكم خلوا فيه شوية حنين
الله يهديكم حبوا بعض لان الكل عايش حزين
فين الإنسانيه اللى تشيل من العالم الاسيه أقول يامين
كيف نعيش مع بعض طول العمر مجاريح مخدوعين
هى الحياه صفاء وحب لكى نكون فى الدنيا مجمعين
منايا تبقوا معايا لكل البشر ونطير الحمام من مصر لحد الصين
الشاعر البدرى ابراهيم عضو نادى أدب جرجا والمنشاه مصر
ليست هناك تعليقات:
إرسال تعليق